श्री हनुमान अष्टक

बाल समय रवि भक्षी लियो तब,
तीनहुं लोक भयो अँधियारो ।
ताहि सो त्रास भयो जग को,
यह संकट काहू सो जात न टारो ।।
देवन आनि करी बिनती तब,
छाड़ दियो रवि कष्ट निवारो ।
को नहीं जानत है जग में कपि,
संकट मोचन नाम तिहारो ।।

बालि की त्रास कपीस बसे गिरि,
जात महा प्रभु पंथ निहारो ।
चौंकि महा मुनि श्राप दियो तब,
चाहिये कौन बिचार बिचारो ।।
कै द्विज रूप लिवाय महाप्रभु,
सो तुम दास के शोक निवारो ।
को नहीं जानत है जग में कपि,
संकट मोचन नाम तिहारो ।।

अंगद के संग लेन गये सिया,
खोज कपीस यह बैन उचारो ।
जीवत ना बचिहौ हम सो जो,
बिना सुधि लाये यहाँ पगु धारौ ।।
हेरि थके तट सिन्धु सबै तब,
लाये सिया सुधि प्राण उबारो ।
को नहीं जानत है जग में कपि,
संकट मोचन नाम तिहारो ।।

रावण त्रास दई सिया को सब,
राक्षसि सों कहि शोक निवारो ।
ताहि समय हनुमान महाप्रभु,
जाय महा रजनी चर मारो ।।
चाहत सिया अशोक सों आगि सु,
दें प्रभु मुद्रिका शोक निवारो ।
को नहीं जानत है जग में कपि,
संकट मोचन नाम तिहारो ।।

बाण लाग्यो उर लक्ष्मण के तब,
प्राण तज्यो सुत रावण मारो ।
ले गृह वैद्य सुषेन समेत,
तबै गिरि द्रोण सो वीर उपारो ।।
आनि सजीवन हाथ दई तब,
लक्ष्मण के तुम प्राण उबारो ।
को नहीं जानत है जग में कपि,
संकट मोचन नाम तिहारो ।।

रावण युद्ध अजान कियो तब,
नाग कि फाँस सबै सिर दारो ।
श्री रघुनाथ समेत सबै दल,
मोह भयो यह संकट भारो ।।
आनि खगेस तबै हनुमान जु,
बंधन काटि सुत्रास निवारो ।
को नहीं जानत है जग में कपि,
संकट मोचन नाम तिहारो ।।

बंधु समेत जबै अहिरावण,
लै रघुनाथ पातल सिधारो ।
देविहिं पूजि भलि विधि सो बलि,
देउ सबै मिलि मंत्र विचारो ।।
जाय सहाय भयो तब ही,
अहिरावण सैन्य समेत संघारो ।
को नहीं जानत है जग में कपि,
संकट मोचन नाम तिहारो ।।

काज किये बड़ देवन के तुम,
वीर महाप्रभु देखि बिचारो ।
कौन सो संकट मोर गरीब को,
जो तुम सों नहिं जात है टारो ।।
बेगि हरो हनुमान महाप्रभु,
जो कछु संकट होय हमारो ।
को नहीं जानत है जग में कपि,
संकट मोचन नाम तिहारो ।।

॥ दोहा ॥

लाल देह लाली लसे ,
अरु धरि लाल लंगूर ।
बज्र देह दानव दलन,
जय जय जय कपि सूर ॥

Shri Hanuman Ashtak

Baal Samay Rabi Bhakshi Liyo Taba,
Teenahu Loka Bhayo Andhiyaro।
Taahi So Traas Bhayo Jaga Ko,
Yaha Sankat Kaahu So Jaat Na Taaro।।
Dewan Aani Kari Binatee Taba,
Chhad Diyo Rabi Kashta Niwaaro।
Ko Nahin Jaanat Hai Jaga May Kapi,
Sankat Mochan Naam Tiharo।।

Baali Ki Traas Kapees Basai Giri,
Jaat Mahaa Prabhu Pantha Nihaaro।
Chownkee Maha Muni Shraap Diyo Taba,
Chahiye Kaun Bichaar Bichaaro।।
Kai Dwija Roop Liwaaya Mahaa Prabhu,
So Tuma Daas Ke Shoka Niwaaro।
Ko Nahin Jaanat Hai Jaga Mein Kapi,
Sankat Mochan Naam Tiharo।।

Angad Ke Sanga Lena Gaye Siya,
Khoja Kapees Yaha Baina Uchaaro।
Jeevat Na Bachihou Hum So Jo,
Bina Sudhi Laaye Yahaan Pagu Dhaaro।।
Heyri Thake Tata Sindhu Sabai Taba,
Laaye Siya Sudhi Praan Ubaaro।
Ko Nahin Jaanat Hai Jaga Mein Kapi,
Sankat Mochan Naam Tiharo।।

Raavana Traas Dayee Siya Ko Saba,
Raakshashi So Kahi Shoka Nivaaro।
Taahi Samaya Hanuman Mahaprabhu,
Jaaya Mahaa Rajnee Chara Maaro।।
Chaahat Siya Asoka So Aagi Su,
Dein Prabhu Mudrika Shoka Nivaaro।
Ko Nahin Jaanat Hai Jaga Mein Kapi,
Sankat Mochan Naam Tihaaro।।

Baan Lagyo Ura Lakshman Ke Taba,
Praan Tajyo Suta Raavana Maaro।
Le Griha Vaidya Sushena Sameta,
Tabai Giri Drona So Veera Upaaro।।
Aani Sajeewan Hatha Dayee Taba,
Lakshman Ke Tum Praana Ubaaro।
Ko Nahin Jaanat Hai Jaga Me Kapi,
Sankat Mochan Naam Tihaaro।।

Raavana Yuddha Ajaan Kiyo Taba,
Naaga Ki Phaans Sabai Sira Daaro।
Shri Raghunath Samet Sabai Dal,
Moha Bhayo Yaha Sankat Bhaaro।।
Aani Khagesa Tabai Hanumaan Ju,
Bhandan Kaati Sutraas Nivaaro।
Ko Nahin Jaanat Hain Jaga Me Kapi,
Sankat Mochan Naam Tiharo।।

Bhandhu Samet Jabai Ahi-Raavana,
Lai Raghunath Pataal Sidhaaro।
Devihin Puji Bhali Vidhin So Bali,
Dewoo Sabai Mili Mantra Vichaaro।।
Jaaya Sahaaya Bhayo Taba Hi,
Ahi-Raavana Sainya Samet Sanghaaro।
Ko Nahin Jaanat Hain Jaga Me Kapi,
Sankat Mochan Naam Tihaaro।।

Kaaja Kiye Bada Dewan Ke Tum,
Beera Mahaa Prabhu Dekhi Bichaaro।
Kaun So Sankat Mora Garib Ko,
Jo Tum So Nahin Jaat Hai Taaro।।
Begi Haro Hanumaan Maha Prabhu,
Jo Kucha Sankat Hoya Hamaaro।
Ko Nahin Jaanat Hai Jaga Me Kapi,
Sankat Mochan Naam Tiharo।।

॥ Doha ॥

Laal Deha Laalee Lasey,
Aru Dhari Laal Langoora।
Bajra Deha Daanawa Dalana,
Jai Jai Jai Kapi Soora।।