श्री बजरंग बाण

॥ दोहा ॥

निश्चय प्रेम प्रतीति ते,
बिनय करै सनमान।
तेहि के कारज सकल शुभ,
सिद्ध करै हनुमान॥

॥ चौपाई ॥

जय हनुमन्त सन्त हितकारी।
सुनि लीजै प्रभु बिनय हमारी॥
जन के काज विलम्ब न कीजै।
आतुर दौरि महा सुख दीजै॥

जैसे कूदि सिन्धु के पारा।
सुरसा बदन पैठि बिस्तारा॥
आगे जाय लंकिनी रोका।
मारेहु लात गई सुर लोका॥

जाय विभीषण को सुख दीन्हा।
सीता निरखि परम पद लीन्हा॥
बाग उजारि सिन्धु महं बोरा।
अति आतुर यम कातर तोरा॥

अक्षय कुमार मारि संहारा।
लूम लपेटि लंक को जारा॥
लाह समान लंक जरि गई।
जय जय गुनि सुर तुर नभ भई॥

अब विलम्ब केहि कारण स्वामी।
कृपा करहुं उर अन्तर्यामी॥
जय जय लखण प्राण के दाता।
आतुर होइ दु:ख करहुं निपाता॥

जय हनुमान जयति बल सागर।
सुर समूह समरथ भटनागर॥
ॐ हनु हनु हनु हनु हनुमन्त हठीले।
बैरिहिं मारू बज्र की कीले॥

ॐ ह्रीं ह्रीं ह्रीं हनुमन्त कपीसा।
ॐ हुं हुं हुं हनु अरि उर शीशा॥
जय अंजनि कुमार बलवन्ता।
शंकर सुवन वीर हनुमन्ता॥

बदन कराल काल कुल घालक।
राम सहाय सदा प्रतिपालक॥
भूत प्रेत पिशाच निशाचर।
अग्नि बैताल काल मारीमर॥

इन्हें मारु तोहि शपथ राम की।
राखु नाथ मरजाद नाम की॥
सत्य होउ हरि शपथ पायके।
रामदूत धरु मारु धाय के॥

जय जय जय हनुमन्त अगाधा।
दु:ख पावत जन केहि अपराधा॥
पूजा जप तप नेम अचारा।
नहिं जानत कछु दास तुम्हारा॥

वन उपवन मग गिरि गृह माहीं।
तुम्हरे बल हौं डरपत नाहीं॥
जनकसुता हरि दास कहावो।
ताकी शपथ विलम्ब न लावो॥

जय जय जय धुनि होत अकाशा।
सुमिरत होय दुसह दु:ख नाशा॥
चरण पकरि कर जोरि मनावों।
यहि अवसर अब केहि गोहरावों॥

उठ उठ चलु तोहिं राम दुहाई।
पांय परौं कर जोरि मनाई॥
ॐ चं चं चं चं चपल चलन्ता।
ॐ हनु हनु हनु हनु हनु हनुमन्ता॥

ॐ हं हं हांक देत कपि चञ्चल।
ॐ सं सं सहमि पराने खल दल॥
अपने जन को तुरत उबारो।
सुमिरत होय आनन्द हमारो॥

यहि बजरंग बाण जेहि मारै।
ताहि कहो फिर कवन उबारै॥
पाठ करै बजरंग बाण की।
हनुमत रक्षा करै प्राण की॥

यह बजरंग बाण जो जापै।
तासो भूत प्रेत सब कांपै॥
धूप देय जो जपै हमेशा।
ताके तन नहिं रहे कलेशा॥

॥ दोहा ॥

उर प्रतीति दृढ़ सरल भए,
पाठ करै धरि ध्यान।
बाधा सब हर करै,
सब काम सफल हनुमान॥

Shri Bajrang Baan

॥ Doha ॥

Nishchaya Prema Pratiti Te,
Binaya Karai Sanamana।
Tehi Ke Karaja Sakala Shubha,
Siddha Karai Hanuman॥

॥ Chaupaee ॥

Jaya Hanumanta Santa Hitakari।
Suni Lijai Prabhu Araja Hamari॥
Jan Ke Kaja Vilamba Na Kijai।
Atura Dauri Maha Sukha Dijai॥

Jaise Kudi Sindhu Wahi Para।
Surasa Badana Paithi Bistara॥
Age Jaya Lankini Roka।
Marehu Lata Gai Sura Loka॥

Jaya Vibhishana Ko Sukha Dinha।
Sita Nirakhi Parama Pada Linha॥
Baga Ujari Sindhu Maham Bora।
Ati Atura Yama Katara Tora॥

Akshaya Kumara Mari Sanhara।
Luma Lapeti Lanka Ko Jara॥
Laha Samana Lanka Jari Gai।
Jaya Jaya Guni Sura Tura Nabha Bhai॥

Aba Vilamba Kehi Karana Swami।
Kripa Karahun Ura Antaryami॥
Jaya Jaya Lakhana Prana Ke Data।
Atura Hoi Dukha Karahun Nipata॥

Jai Hanuman Jayati Bal Sagara।
Sura Samuha Samaratha Bhatanagara॥
Om Hanu Hanu Hanu Hanu Hanu Hanumanta Hathile।
Bairihin Maru Bajra Ki Kile॥

Om Hrim Hrim Hrim Hanumanta Kapisa।
Om Hum Hum Hum Hanu Ari Ura Shisha॥
Jaya Anjani Kumara Balavanta।
Shankara Suvana Veera Hanumanta॥

Badana Karala Kala Kula Ghalaka।
Rama Sahaya Sada Pratipalaka॥
Bhuta Preta Pishacha Nishachara।
Agni Baitala Kala Marimara॥

Inhen Maru Tohi Shapatha Rama Ki।
Rakhu Natha Marajada Nama Ki॥
Satya Hou Hari Shapatha Payake।
Ramaduta Dharu Maru Dhaya Ke॥

Jaya Jaya Jaya Hanumanta Agadha।
Dukha Pavata Jana Kehi Aparadha॥
Puja Japa Tapa Nema Achara।
Nahin Janata Kachhu Dasa Tumhara॥

Vana Upavana Maga Giri Griha Mahin।
Tumhare Bala Haun Darapata Nahin॥
Janakasuta Hari Dasa Kahavo।
Taki Shapatha Vilamba Na Lavo॥

Jai Jai Jai Dhuni Hota Akasha।
Sumirata Hota Dusaha Dukha Nasha॥
Charana Pakari Kara Jori Manavon।
Yahi Avasara Aba Kehi Goharavon॥

Utha Utha Chalu Tohin Rama Duhai।
Panya Paraun Kara Jori Manai॥
Om Chan Chan Chan Chan Chapala Chalanta।
Om Hanu Hanu Hanu Hanu Hanumanta॥

Om Han Han Hanka Deta Kapi Chanchala।
Om San San Sahama Parane Khala Dala॥
Apane Jana Ko Turata Ubaro।
Sumirata Hoya Ananda Hamaro॥

Yahi Bajrang Baan Jehi Marai।
Tahi Kaho Phira Kavana Ubarai॥
Patha Karai Bajrang Baan Ki।
Hanumata Raksha Karai Prana Ki॥

Yaha Bajrang Baan Jo Japai।
Taaso Bhuta Preta Saba Kampe॥
Dhupa Deya Jo Japai Hamesha।
Take Tana Nahin Rahe Kalesha॥

॥ Doha ॥

Ura Pratiti Dridh Saral Bhaye,
Path Karai Dhari Dhyana।
Badha Sab Har Karai,
Sab Kaam Saphal Hanuman॥